Фото: EyePress News/REX/Shutterstock
Жанубий Корея Бирлашган штаб бошлиқлари қўмитаси КХДР Россия—Украина урушида 1100 нафар ҳарбийсидан айрилганини маълум қилди, деб ёзади Yonhap агентлиги.
Қайд этилишича, КХДР Россия армиясини урушда қўллаб-қувватлаш учун мамлакатга қўшимча ҳарбий техника ва қўшин юборишга тайёргарлик кўраётган бўлиши мумкин.
«Ҳар томонлама ўрганиб чиқилган кўплаб разведка маълумотлари Шимолий Корея Россиядаги қўшинлари сонини оширишга ёки ротация қилишга тайёрланаётганини кўрсатмоқда», — дейилади Бирлашган штаб бошлиқлари қўмитаси баёнотида.
Бундан ташқари Сеул маълумотларига кўра, Шимолий Корея Россияга зарба берувчи дронларни етказиб бериши мумкин. Ҳарбийларнинг қайд этишича, КХДР дронлар ишлаб чиқаришга киришгани тўғрисида «айрим белгилар мавжуд» — бу ҳақда илк бор ноябр ойида маълум бўлган.
Жанубий Корея, АҚШ ва Украина маълумотларига кўра, КХДР ҳукумати Россияга шу пайтгача 10-12 минг ҳарбийсини юборган.
Аввалроқ Россия Украинага қарши урушда фойдаланадиган Шимолий Корея аскарларига уларнинг фронтда борлигини яшириш учун сохта гувоҳномалар бераётгани тўғрисида хабар берилганди. Украина Қуролли кучларининг махсус операциялар кучлари руслар «жанг майдонидаги йўқотишларини яшириш ва хорижий куч мавжудлигини яшириш» учун бундай чораларга мурожаат қилмоқда, деб ҳисобламоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Илон Маск: “Европа давлатлари йўқ бўлиб кетиш хавфи остида”
Россиялик ҳарбийлар Киевга баллистик ракета билан ҳужум қилди
Маск Украинага ёрдам беришни АҚШнинг энг ёмон қарорларидан бири деб атади
Германияда Рождество ярмаркасида теракт содир этилди
Доналд Трамп Европа Иттифоқига ультиматум қўйди
Ўзбекистон сунъий интеллектга тайёргарлик индексида 17 ўринга юқорилади
Трамп: АҚШ ҳукумати расман фақат иккита жинсни - эркак ва аёлни тан олади
Путин тарғиботчи Симонянни олтинчи орден билан мукофотлади
