Украина Мудофаа вазирлиги: дронлар Украина чегарасидан 2000 км узоқликдаги нишонларга ҳужум қила олади

^{Фото: AFP}
Украинанинг узоқ масофали учувчисиз учиш аппаратлари нишонгача 2 минг километр масофани босиб ўта олади, деди Украина Мудофаа вазирлиги разведка бошқармаси вакили Андрей Юсов 28 декабр, шанба куни "Новини.LIVE" телеканалига.

Унинг сўзларига кўра, Россия ҳудудида Украина чегарасидан анча узоқда содир бўлаётган портлашлар шунчаки юз бермаяпти, бироқ аксарият ҳолларда Киев уларга алоқадорлигини тасдиқламайди ва инкор этмайди. Юсовнинг таъкидлашича, Россия ҳудудига барча ҳужумлар фақат армия билан боғлиқ ҳарбий объектлар ёки уни молиялаштириш, моддий-техник таъминот ёки мудофаа инфратузилмасига қарши амалга оширилади.

Украинанинг Россия Федерацияси ичидаги нишонларга қарши дронлардан фойдаланиши билан боғлиқ шов-шувли ҳолатлар орасида 2024 йил ноябр ойи бошида Доғистоннинг Каспийск шаҳрида Украина чегарасидан тахминан 1500 километр узоқликдаги ҳарбий нишонларга берилган зарба ҳам бор. Яна бир шунга ўхшаш ҳужум май ойининг бошида Оренбург области Орск шаҳридаги «Воронеж М» узоқ масофали нишонни аниқлаш станциясига қарши амалга оширилган. Ўшанда дрон 1800 километр масофани босиб ўтди.

УҚК дронлари Ростов областидаги Миллеровога ҳужум қилди

Украина учувчисиз учоқлари 23 декабр куни ҳарбий аэродром жойлашган Ростов областининг Миллерово шаҳрига ҳужум қилди. Бу ҳақда вилоят губернатори вазифасини бажарувчи Юрий Слюсар ва Россия Мудофаа вазирлиги хабар берди.

Минтақа раҳбари вазифасини бажарувчининг сўзларига кўра, Россия ҳаво ҳужумидан мудофаа кучлари Миллерово ҳудудида саккизта Украина УУАни уриб туширишга муваффақ бўлган. Мудофаа вазирлиги, ўз навбатида, Ростов областида тўққизта учувчисиз учоқ уриб туширилганини маълум қилди.

Юрий Слюсарнинг таъкидлашича, «тезкор маълумотларга кўра», ҳодиса натижасида ҳеч ким жабрланмаган. “Замин” янгиликларини “Telegram”да кузатиб боринг