Трамп Гренландияга нега қаттиқ қизиқаётгани маълум бўлди

АҚШнинг сайланган президенти Доналд Трамп Гренландияни нефт ва газ захиралари учун сотиб олишни истамоқда, деб ёзади Politico.

Гренландиянинг нефт ва газ конларидан фойдаланиш Америка компаниялари учун фойдали бизнесга айланиши мумкин, дея қайд этади нашр.

АҚШ Геологик хизмати 2019 йилда оролда тахминан 31,4 миллион баррел нефт ва 4,2 триллион куб табиий газ борлигини тахмин қилди. Шу билан бирга, ишлаб чиқаришни бошлаш учун катта инвестициялар талаб қилинади, аммо бизнеснинг рентабеллиги анча юқори бўлиб қолмоқда, дея таъкидлади Politico.

Газетанинг эслатишича, 2021 йилдан бери Гренландияда углеводород ишлаб чиқаришга мораторий Арктика экологияси учун экологик хавфлар туфайли амал қилади. Экологларнинг Politico нашрига айтишича, агар қазиб олиш ишлари бошланса, орол маҳаллий фауна ва флора учун жиддий оқибатларга олиб келиши мумкин, уларни қайта тиклаш учун ўнлаб йиллар ва ҳатто асрлар керак бўлиши мумкин.

Трамп 2024 йил охиридан бери Гренландияни назорат қилиш режаларини эълон қилиб келади. У буни “бутун дунёда миллий хавфсизлик ва эркинлик масаласи” деб атади.

Республикачи бу мақсадда ҳарбий куч ишлатмасликка ваъда бермаган. 15 январ куни Дания бош вазири Метте Фредериксен Доналд Трамп билан телефон суҳбатида оролнинг мустақиллиги масаласини фақат унинг аҳолиси ҳал қилиши кераклигини таъкидлаган. “Замин” янгиликларини “Telegram”да кузатиб боринг