Украина Коррупцияга қарши кураш миллий бюроси Мудофаа вазири Рустем Умеровга қарши жиноий иш қўзғатди. Бу иш Украина Коррупцияга қарши кураш марказининг баёноти асосида рўйхатга олингани ҳақида 27 январ куни марказ ўзининг Telegram-канали орқали маълум қилди.
Мансаб ваколатини суиистеъмол қилишда гумонланмоқда
Рустем Умеров мансаб ваколатини суиистеъмол қилишда гумонланмоқда. Ушбу айблов Украина қонунчилигига кўра уч йилдан олти йилгача озодликдан маҳрум қилиш жазосини назарда тутади.
Коррупцияга қарши кураш марказининг маълум қилишича, 24 январ куни Умеров Мудофаа харидлари агентлиги Кузатув кенгашининг ушбу агентлик директори Марина Безрукова билан шартномани бир йилга узайтириш ҳақидаги қарорини бажаришдан бош тортган. Шунингдек, у мазкур қарор учун овоз берган Кузатув кенгашининг икки аъзоси — Тарас Чмут ва Юрий Жигирни ишдан бўшатган.
НАТО тавсияларига зид қарорлар
Коррупцияга қарши кураш марказининг таъкидлашича, мудофаа таъминот агентликларида кузатув кенгашларининг ташкил этилиши НАТОнинг ташқи босимдан ҳимоя қилишга доир асосий тавсияларидан бири ҳисобланади. Умеров эса Безруковани ҳарбий харидлар ва армия таъминотидаги муаммоларда айблаган.
Олий рада Умеровнинг ҳисобот беришини талаб қилмоқда
2024 йил 3 декабрда Олий рада Умеровни ҳисобот бериш учун чақиришни қўллаб-қувватлади. Бу чақириқ Украина ҳарбийлари «Укроборонпром» томонидан ишлаб чиқарилган паст сифатли миналарни қабул қилиб олгани ҳақидаги айбловлардан келиб чиққан эди.
Вазирнинг стратегияси ва келгуси режалари
Январ ойи бошида Умеров 2025 йилга мўлжалланган Украина ҳарбий стратегиясини маълум қилди. Унинг таъкидлашича, бу стратегия тўртта асосий йўналишни ўз ичига олади: фронт чизиғини барқарорлаштириш, мудофаа қобилиятини мустаҳкамлаш, осмон ва денгиз йўлларини ҳимоя қилишни кучайтириш ҳамда «ассиметрик жавоб» чораларини қўллаш. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
