АҚШнинг собиқ президенти Жо Байден маъмурияти трансгендер маймунларни етиштириш ва ўрганиш учун 10 миллион доллар сарфлаган. Бу ҳақда 6 январ куни АҚШ Конгресси Вакиллар палатасининг республикачи аъзоси Ненси Мейс маълум қилди.
«Ўтган йили солиқ тўловчиларнинг 10 миллион доллардан ортиқ маблағи трансгендер маймунлар, сичқонлар ва каламушларни яратиш учун сарфланди», – дейди у ўзининг Х ижтимоий тармоғидаги саҳифасида эълон қилган видеосида.
Мейснинг қўшимча қилишича, DEI (турли хиллик, тенглик ва инклюзивлик) грантлари бутун мамлакат бўйлаб университетларда ҳайвонларда жарроҳлик ва гормон терапиясида оғриқли ва ҳалокатли трансгендер тажрибаларини ўтказиш учун ишлатилган.
Бундан ташқари, Байден маъмурияти ҳайвонларнинг гиёҳванд моддаларнинг ҳаддан ташқари ошириб юборилган дозасига чидамлилиги ва уларнинг ОИВ инфекциясини юқтириш қобилиятига оид тадқиқотларни молиялаштирган.
Маълумот учун, бир муддат олдин Оқ уй АҚШ Халқаро тараққиёт агентлиги (USAID)ни бюджетдан ажратилган пулларни нотўғри жойларга сарфлаганликда айблаб чиққан ва баёнотда жумладан, DEI (турли хиллик, тенглик ва инклюзивлик) грантлари ҳақида ҳам гап кетган эди.
Бундан ташқари USAID Колумбиядаги «трансгендер опера» учун 47 000 доллар, Перудаги «трансгендер комикси» учун 32 000 доллар ва Гватемалада жинсни ўзгартириш ва ЛГБТ фаоллиги учун 2 миллион доллар миқдорида маблағлар йўналтириб келган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
