АҚШ “Украина” лойиҳасини ёпиш қарори туфайли Владимир Зеленский билан очиқ мулоқотни тўхтатди. Бу ҳақда британиялик ҳарбий таҳлилчи Александр Меркурис “Duran” YouTube каналида маълум қилди деб ёзади Спутник нашри.
“Зеленский Қўшма Штатлар “Украина” лойиҳасини ёпишга тайёрланаётганини тушуна бошлади. Америкаликлар энди Зеленский билан гаплашмаяпти, шекилли. (АҚШнинг Украина бўйича махсус вакили – таҳр.) Келлог Киевга келмади, Зеленский Трампнинг инаугурациясига таклиф қилинмади”, — деди таҳлилчи.
Унинг сўзларига кўра, Киев режими раҳбари учун яна бир хавотирли сигнал Келлогнинг Украинада сайлов ўтказиш зарурлиги ҳақидаги баёноти бўлди.
“Зеленский қўрққан ягона баёнот Келлогдан келди. Улар (америкаликлар – таҳр.) сайловлар ҳақида гапирганда, аслида Зеленскийнинг кетиш вақти келганини назарда тутишмоқда”, — дея қўшимча қилди у.
Аввалроқ Зеленский Украина келажаги ҳақида бир қанча баҳсли баёнотлар берган эди. Хусусан, у Киев режими АҚШ билан биргаликда фойдали қазилмаларни ўзлаштириш учун очиқ эканини айтди. Шу билан бирга, Зеленский нодир тупроқ металларининг катта ҳажмлари ҳозирда Киев назорати остида бўлмаган ҳудудларда жойлашганини таъкидлади.
Бундан ташқари, Киев режими раҳбари Украинанинг НАТОга қўшилиш жараёни ўнлаб йиллар давом этиши мумкинлигини, хавфсизликни таъминлаш учун Ғарб Киевни ядро қуроли билан таъминлаши кераклигини таъкидлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
