АҚШ президенти Дональд Трамп ва Россия президенти Владимир Путин телефон орқали узоқ суҳбатлашди. Бу ҳақда Дональд Трамп маълум қилди, деб ёзади Дарё нашри.
Америка президенти суҳбатни “узоқ давом этган жуда самарали” деб таърифлади. Унинг сўзларига кўра, иккала етакчи ҳам Россия ва Украина можаросида одамлар ўлимини тўхтатиш кераклиги ҳақида келишиб олган.
"Биз, шунингдек, тегишли жамоаларимиз зудлик билан музокараларга киришиши ҳақида келишиб олдик", деди Трамп.
Америка президенти дастлабки ҳаракатларни “Украина президенти Зеленскийга қўнғироқ қилиб, бўлиб ўтган суҳбат ҳақида уни хабардор қилишдан бошлаши”ни таъкидлади.
Томонлар, шунингдек, қуйидагиларни муҳокама қилдилар:
- Яқин Шарқ;
- энергетика;
- сунъий интеллект;
- доллар таъсири.
"Биз иккимиз ҳам халқларимизнинг буюк тарихи ва Иккинчи жаҳон урушида биргаликда муваффақиятли жанг қилганимиз ҳақида ўйладик", деб ёзган Трамп.
Музокаралар ўтказилганини Кремль ҳам тасдиқлади. Россия президенти матбуот котиби Дмитрий Песковнинг маълум қилишича, давлат раҳбарлари қарийб икки соат суҳбатлашган. Путин Трампни Москвага таклиф қилган.
"Россия президенти АҚШ президентини Москвага таклиф қилди ва ўзаро манфаатли иш йўналишлари, жумладан, Украина масаласини ҳал қилиш мавзуси бўйича Америка расмийларини Россияда қабул қилишга тайёрлигини билдирди", дейди Песков.
New York Post нашри 9 февраль куни Трамп россиялик ҳамкасби билан телефон орқали Украинадаги урушни якунлашни муҳокама қилгани ҳақида ёзган эди. Трамп икки етакчи ўртасидаги суҳбат қанча давом этганини маълум қилмаган. АҚШ президенти жанг майдонида ҳарбийларнинг ҳалок бўлиши Путинни “чиндан ҳам ташвишга солаётгани”ни таъкидлаган. АҚШ президенти урушни тугатишга ёрдам берадиган “аниқ режаси” борлигини айтиб, тафсилотларни келтирмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
