Илон Маскнинг ижтимоий тармоғи Трампга 10 млн доллар тўлаб беради

^{Фото: The New York Times}
Миллиардер Илон Маскка тегишли Х (собиқ Twitter) ижтимоий тармоғи АҚШ президенти ўз аккаунти блокланганидан кейин киритган даъвони ҳал этиш мақсадида Доналд Трампга қарийб 10 миллион доллар тўлашга рози бўлди. Бу ҳақда The Wall Street Journal ўз манбаларига таяниб хабар берди.

Даъво аризаси 2021 йилда Twitterʼга ва компаниянинг ўша вақтдаги директори Жек Дорсига қарши илгари сурилган эди.

Нашр суҳбатдошларининг маълумотларига кўра, Трамп жамоаси АҚШ раҳбарининг Маск билан яқин муносабатда экани ва бизнесмен унинг сайловолди кампаниясига 250 миллион доллар сарфлагани сабаб суд жараёнини тўхтатиш вариантини ҳам кўриб чиққан.

2021 йил январда Facebook, Instagram ва Twitter Доналд Трампнинг аккаунтларини АҚШ президентлиги сайловлари натижасидан норози бўлган тарафдорлари Конгресс биносига бостириб кирганидан кейин блоклаган эди. Ижтимоий тармоқлар раҳбарларига кўра, Трамп постлари орқали тартибсизлик иштирокчиларини қўллаб-қувватлаган. 2022 йил ноябрда Twitterʼнинг эгасига айланган Маск Трампнинг аккаунтини блокдан чиқарганди.

Меta компанияси 2025 йил январ охирларида 2021 йилдаги даъвони ҳал этиш учун Трампга 25 миллион доллар тўлашга рози бўлганди. The New York Times кўра, 22 миллион доллар Трампнинг президент кутубхонасини молиялаштиришга, қолган 3 миллион доллар эса суд жараёнлари компенсацияси учун йўналтирилади. “Замин” янгиликларини “Telegram”да кузатиб боринг