Фаластиннинг ҲАМАС ҳаракати, агар доимий ўт очишни тўхтатиш ва Исроил қўшинлари Ғазо секторидан тўлиқ чиқиб кетишига олиб келадиган келишувга эришилса, иккинчи босқичда қолган барча исроиллик гаровга олинганларни озод қилишга тайёрлигини билдирди. Бу ҳақда ҳаракат матбуот котиби Ҳазим Қосимга таяниб, Al Jazeera хабар берди.
"Агар доимий ўт очишни тўхтатиш ва Ғазо секторидан қўшинларни тўлиқ олиб чиқишга олиб келадиган келишувга эришилса, бундай ҳолатда маҳбуслар бир йўла алмашади. Биз ушбу шартлари бўлган иккинчи босқичга тайёрмиз", – деди Ҳазим Қосим.
Аввалроқ, Исроил бош вазири Бинямин Нетаняху идораси Қоҳирада ўтган муваффақиятли музокаралардан сўнг Исроил 22-февраль куни Ғазодан олти нафар гаровга олинган кишининг озод этилишини, шунингдек, келаси пайшанба куни тўрт нафар ҳалок бўлган гаровга олинганларнинг жасадлари топширилишини кутаётганини тасдиқлаган эди.
Эслатиб ўтамиз, жорий йил 15-январ куни Миср, Қатар ва АҚШ воситачилигида Исроил ва ҲАМАС Ғазода ўт очишни тўхтатиш ва гаровга олинганларни озод қилиш бўйича келишувга эришган эди. Уч босқични ўз ичига олган ушбу келишув 19-январ куни кучга кирди. Келишувнинг 42 кунлик биринчи босқичида ҲАМАС Исроил қамоқхонасидаги фаластинлик маҳбуслар эвазига 33 нафар гаровдагиларни озод қилиши керак. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
