АҚШ президенти Дональд Трамп Венесуэлани душман деб атади ва Америка компаниялари бу давлатдан нефть сотиб олишни давом эттиришини истамаслигини маълум қилди.
"Биз Венесуэлани мураккаб вазиятга солдик. Ҳаммаси яхши бўлиши керакдек кўринган эди", – дея таъкидлади Трамп сешанба куни, ўзининг илк президентлик даврида Каракасга нисбатан кенг қамровли санкциялар жорий қилганини эслаб. "Кейин эса [АҚШнинг аввалги президенти Жо] Байден келди ва одатдагидек, ҳамма нарсани бузиб ташлади. Унинг даврида [Венесуэладан] миллиардлаб долларлик нефть харид қила бошладилар", – деди амалдаги Америка етакчиси Флорида штатидаги Мар-а-Лаго қароргоҳида янги фармонларни имзолар экан.
"Нега улар душманга мурожаат қилиб, унга миллиардлаб доллар берди?", – дея таъкидлади Трамп ва унинг президентлиги даврида бундай қарор қабул қилинмаслигини айтиб ўтди. "Биз бу масала билан шуғулланяпмиз", – деди у, Америкада етарлича нефт захиралари борлигини таъкидлаб. "Биз бутун бу вазиятни таҳлил қиляпмиз, Байден нега шундай қилганини аниқлашни истаймиз", – дея қайд этди Трамп, олдинги Вашингтон маъмурияти бу қарорни қандай сабаблар билан қабул қилганини ўрганиш нияти борлигини билдириб.
Трампдан Америка компаниялари, жумладан Chevron, Венесуэладан нефть сотиб олишни давом эттиришга рухсат оладими ёки йўқми, деб сўралди. У шундай жавоб берди: "Балким, йўқ. Ҳозир бу масала кўриб чиқилмоқда".
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
