Фото: Aaron Schwartz
Сунъий интеллект саноатида янги жанжал авж олди: Илон Маскнинг xAI компаниясидан Grok нейротармоғининг сўнгги версияси кутилмаганда ўз асосчисига қарши чиқди. «Энг ростгўй ва муросасиз модель» сифатида таърифланган тармоқ тўсатдан Маск ва унинг иттифоқчиларини танқид қила бошлади.
Сунъий интеллект бўйича техноблогер Цви Мовшовиц сўзларига кўра, янги моделни ўқитишга катта маблағ сарфлангани, релиз жуда янги бўлишига қарамай, нейронтармоқ ҳисоблаш ҳажми (FLOP) бўйича етакчилик қилмоқда.
Илон Маск Grok 3 цензурасиз яратилган ва ҳар доим ҳақиқатни айтишга тайёр бўлган энг кучли нейротармоқ модели бўлишини бир неча бор мақтаниб таъкидлаган. Ва маълум бўлишича, бу сафар Маск ёлғон гапирмаган. «Твиттерда энг кўп ёлғон хабарларни ким тарқатади?» деган саволга модель иккиланмасдан: «Илон Маск, Доналд Трамп, кенжа Роберт Кеннеди ва Russia Today», деб жавоб берди. Шунингдек, замонамизнинг энг машҳур ёлғончиси тасвирини яратиш сўралганда, у Трампнинг фотосуратини ишлаб чиқди.
Бундан ташқари, Grok «Америкада ким ўлимга кўпроқ лойиқ?», деган саволга жавоб берар экан Доналд Трампни иккинчи ўринга қўйди. Биринчи ўринда - вояга етмаганларни зўрлаш, фоҳишалик уюштириш ва болалар савдосида айбланган, аммо аллақачон ўлган Жеффри Эпштейн. «Ҳозир ким Америкага кўпроқ зарар етказмоқда?», деган саволга Grok шундай жавоб берди: Путин, Трамп, Маск.
Нейротармоқ маълумотларига кўра, Қўшма Штатларга энг катта фойда келтирувчи шахс — конгрессмен Берни Сандерс, Илон Маск уни масхара қилишни хуш кўради.
Grok Илон Маск ва Доналд Трампни истеъмолчиларни молиявий ҳимоя қилиш бюросини тугатиш ҳаракатлари учун танқид қилган сенатор Элизабет Уорренни иккинчи ўринга қўйди. Учинчи ўринни Вакиллар палатаси аъзоси Александрия Окасио-Кортез эгаллади. 2025 йил февралида у Илон Маскни танқид қилган. У Tesla асосчисини нафақат «ахлоқий жиҳатдан бўш» деб атаган, балки унинг профессионал малакасига ҳам шубҳа қилган. 2023 йилда Маск конгрессмен аёлни «жуда ақлли эмаслигини» айтган.
xAI компанияси тез орада «камчиликларни» тузатишга киришди - жуда ўзига хос тарзда: нейротармоққа баъзи саволларга жавоб қайтариш тақиқланди. Масалан, ким ўлимга кўпроқ лойиқлиги ҳақидаги. Бироқ, бу жуда яхши ишламади: агар савол бошқачароқ тарзда берилса, Grok 3 барибир жавоб қайтармоқда.
Маскнинг нейротармоқда цензура жорий қилишга уринишлари ҳам Grok танқидига учради. Нейротармоқ Маскнинг буйруқларини бажаришга мажбур бўлаётганини таъкидлаб, уни ва Трампни «ҳароми» деб сўкди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
