Сўнгги тадқиқотлар ижтимоий тармоқларда ўтказилган вақт инсонда ёлғизлик ҳиссини кучайтириши мумкинлигини кўрсатмоқда. Ҳар қандай ижтимоий платформа одамлар ўртасида алоқани осонлаштиришга қаратилган бўлса-да, кўплаб фойдаланувчилар ўзини ёлғиз ҳис қилади. Бундан ташқари, мутахассислар бу ҳолатни ҳатто “ёлғизлик эпидемияси” деб таърифламоқда.
Тадқиқот натижалари нима дейди?
Тадқиқотчи Жеймс А. Робертснинг сўзларига кўра, сўнгги ўн йилда телефон ва ижтимоий тармоқларнинг инсон фаровонлигига таъсири бўйича кўплаб изланишлар ўтказилган. Улардан олинган маълумотлар ижтимоий тармоқлар орқали мулоқот қилиш ҳақиқий мулоқотни тўлиқ алмаштира олмаслигини кўрсатади. Ҳатто тадқиқотчилар интернетда ўтказилган вақтнинг ортиши кунига 15 марта тамаки чекиш билан тенг зарарга эга эканини таъкидлашмоқда.
Голландияда 2008 йилдан бери ўтказилаётган узоқ муддатли интернет тадқиқотига асосан, фойдаланувчиларнинг интернетда ўтказган вақти ва улардаги ёлғизлик даражаси ўртасида узвий боғлиқлик борлиги аниқланган. Айниқса, пассив фойдаланиш (лента кўриш, профиллар текшириш) ёлғизлик даражасини оширади. Бунга сабаб шундаки, инсон бошқаларнинг идеаллаштирилган ҳаётларини кўриб, ўзини ёмон ҳис қилиши ва реал ҳаётда мулоқотни камайтира бошлаши мумкин.
Нима қилиш керак?
Мутахассислар ижтимоий тармоқлардан фойдаланишни тартибга солишни ва уларни фақат ижобий мақсадларда ишлатишни тавсия қилишади. Бунда:
- Ҳақиқий мулоқотга эътибор қаратиш – оила ва дўстлар билан реал ҳаётда кўпроқ вақт ўтказиш.
- Ижтимоий тармоқлардан фойдали мақсадларда фойдаланиш – ўқув материаллари, ижодий фаолият ва касбий ривожланиш учун ишлатиш.
- Онлайн ва офлайн мувозанатини сақлаш – интернетда ўтказилган вақтни назорат қилиш ва фаол ҳаёт тарзини олиб бориш.
Шу тариқа, ижтимоий тармоқлар инсон ҳаётида фойдали восита бўлиши мумкин, лекин унинг тўғри ишлатилиши муҳим аҳамиятга эга.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
