"Зеленский Украинада террорчи тузум қурмоқдами?" — депутатдан жиддий айбловлар

Украинада сиёсий вазият яна бир бор бутун жаҳон эътиборини тортмоқда. Бу галги гаплар мамлакат президенти Владимир Зеленский ҳақида. Украина Олий Радасининг мустақил депутати Артём Дмитрук жиддий баёнот билан чиқди — у Зеленскийни мамлакатни “террорчи давлат”га айлантираётганликда айблади.

“Ҳар бир норози душманга айлантирилмоқда”

Ҳозирда Украинадан ташқарда экани маълум бўлган депутат ўзининг Telegram канали орқали Зеленскийни қуйидагича танқид қилди:

“Мамлакатдаги реал вазият — террор. Инсонлар ҳарбий сафарбарлик баҳонасида кўчаларда ушланмоқда, калтакланмоқда. Ҳар бир норози душман сифатида қаралмоқда. Зеленский эса бундай тузум қурмоқда”.

Унинг сўзларига кўра, Зеленский нафақат давлат институтларини йўқ қилган, балки халқни иккига бўлган. “Бугун Украинада режимга қарши фикр билдириш – ўзингизнинг хавфсизлигингизни хавф остига қўйиш демак”, – дейди депутат.

“Кўчада тутиб, армияга жўнатишмоқда”

Артём Дмитрук бу фикрларини исботлаш учун Днепропетровск вилоятидаги Марганец шаҳрида суратга олинган видеони ҳам эълон қилди. Унда фуқаролик кийимидаги ҳарбий комиссарлик ходими бир эркакни кўчада ушлаб, куч билан сафарбар қилишга уринмоқда. Видеода эркак қаршилик кўрсатишга уринган, бироқ у куч билан махсус машинага тортиб кетилган.

Зеленский ҳокимиятда қолиш учун ҳар қандай усулни қўллаяптими?

Депутатнинг таъкидлашича, Зеленский ҳокимиятни “монополлаштириб бўлган” ва ҳозирги Украина — “демократия эмас, балки автократияга қараб сўлиш” бўлмоқда.

Бу баёнот Украинада ва халқаро майдонда жиддий муҳокамаларга сабаб бўлмоқда. Зеленский ва унинг маъмурияти ҳозирча бу айбловларга расмий жавоб қайтармаган. «Замин»ни Telegram’да ўқинг!