Хитой Boeing’дан воз кечмоқда — иқтисодий уруш оқибатларими?

Хитой ҳукумати авиакомпанияларга Boeing самолётларини ва АҚШда ишлаб чиқарилган эҳтиёт қисмларни харид қилмасликни талаб қилди, деб bloomberg.com хабар берди. Бу қарор Вашингтоннинг хитойлик товарларга 145% бож жорий қилганига жавобан қабул қилинган.

Пекин эса ўз навбатида Америка маҳсулотларига 125% бож эълон қилди. Натижада Boeing самолётининг нархи икки бараваргача ошиб кетмоқда. Экспертларга кўра, бу Хитой учун иқтисодий маънода ноқулай харидга айланмоқда.

Boeing самолётларини лизингга олган авиакомпанияларга давлат қўллови муҳокама қилинмоқда. Air China ва China Southern каби йирик операторлар Boeing 737 MAX моделларини паркига қўшиши керак эди, лекин божлар кучга кириши билан барча келишувлар тўхташи мумкин.

Boeing бу вазият таъминот занжирларига жиддий зарба бериши мумкинлигидан огоҳлантирди.

Пекин энди бутунлай Airbus’га ўтиб кетадими? «Замин»ни Telegram’да ўқинг!