Дональд Трамп Исроилнинг режасини чиппакка чиқарди

The New York Times нашрининг ёзишича, Исроил расмийлари 2024 йил май ойида Эроннинг ядровий объектларига зарба беришни режалаштирган, бироқ АҚШ президенти Дональд Трамп бу режани қўллаб-қувватламай, дипломатик музокаралар йўлини маъқул кўрган.

Манбалар маълум қилишича, Исроил томонида Трампнинг ҳужумни қўллаб-қувватлашига ишонч баланд бўлган. Чунки зарба режаларида АҚШнинг ҳарбий ва логистик кўмаги ҳал қилувчи ўринда эди: ҳам зарба пайтида, ҳам Эрон томонидан эҳтимолий жавоб зарбасини қайтаришда.

Бироқ барча кутилмаларга қарши равишда, Трамп Бенямин Нетаняҳу билан учрашувдан сўнг масалага қатъий нуқта қўйди:
"Йўқ! Биз музокара йўлини танлаймиз".

Трамп стратегияси: уруш эмас, музокара

АҚШнинг бу позицияси Исроил ҳукуматида муайян ноаниқлик ва ҳатто норозилик уйғотган. Чунки Теҳрон ядровий дастурини давом эттираётган бир пайтда, ҳарбий зарба орқали уни камida бир йилга кечиктириш имкони кўрилган эди.

Вашингтон эса бундай ҳаракат АҚШни янги, кенг қамровли урушга тортиб кетишидан хавотир билдирган. Шу сабабли Оқ уй Эрон билан дипломатик ечим излашни устун деб топди.

Исроил ва Эрон Дональд Трамп Ядровий инқироз АҚШ ташқи сиёсати Бенямин Нетаняҳу Янгиликлар