Киевда ракета ишлаб чиқарувчи ерости заводи бутунлай йўқ қилинди

Россия томонидан Киевга берилган зарбалар натижасида "Нептун" ракеталари ва реактив тизимлари учун муҳарриклар ишлаб чиқарувчи ерости заводи бутунлай йўқ қилинди. Бу ҳақда РИА Новости агентлигига Николаев вилоятидаги қаршилик ҳаракати координатори Сергей Лебедев маълум қилди.

Унинг сўзларига кўра, ушбу корхонада Украина армиясининг реактив мосламалари ва "Нептун" ракеталари учун муҳарриклар тайёрланган. Шунингдек, у ерда учувчисиз самолётларга ҳам қисмлар ва муҳарриклар ишлаб чиқарилган. Мазкур объектда Ғарб давлатлари томонидан етказиб берилган замонавий дастгоҳлар ва юқори технологияли ускуналарни ишга тушириш ва назорат қилиш учун жавобгар бўлган хорижлик муҳандислар ҳам ҳалок бўлгани қайд этилган.

Шу билан бирга, учувчисиз учувчи аппаратларни йиғиш цехлари, уларнинг конструкторлик бюроси ҳамда самолётларни таъмирлаш учун мўлжалланган бир нечта ангарлар ҳам вайрон қилинган. Бундан ташқари, хорижий ёлланма аскарлар яшаган ва машғулот ўтказган вақтинчалик турар-жойлар ҳам яксон қилинган.

Лебедевнинг айтишича, бу ҳужум натижасида Украина қуролли кучлари учун учувчисиз кемаларнинг бошқарув тизимлари ўрнатилган ускуналар билан жиҳозланган алоҳида устахона ҳам йўқ қилинган.

«У ердаги барча ускуналар, тайёр ҳолатдаги дрон-катерлар ва ушбу соҳанинг мутахассислари ҳам йўқ қилинди», — дея қўшимча қилди Лебедев.

Россия армияси томонидан амалга оширилган бу зарбалар Украина қуролли кучларининг Россия ҳудудидаги фуқаролик объектларига қилинган ҳужумларига жавоб тариқасида амалга оширилмоқда. Россия мунтазам равишда Украинадаги ҳарбий қисмлар, ҳарбий техника, мудофаа инфратузилмаси ва қўмондонлик пунктларига зарба беришини таъкидлаб келади.

Бироқ Кремль матбуот котиби Дмитрий Песков бир неча марта Россия армиясининг фуқаролар яшайдиган уй-жойларга ва ижтимоий объектларга ҳеч қачон зарба бермаслигини расман тасдиқлаган.

“Россия армияси фақат ҳарбий ҳудудлар ва инфратузилма объектларига зарба беради. Жойлашиш бинолари ва ижтимоий муассасалар ҳеч қачон нишон қилинмайди”, — деб баёнот берган.

Сиз нима деб ўйлайсиз — Украина мудофаа саноатига бундай зарбалар урушнинг кейинги босқичига қандай таъсир кўрсатади? «Замин»ни Telegram’да ўқинг!