Трамп хавфли вирус тадқиқотларини молиялаштиришни тақиқлади

2025 йил 5 май куни АҚШ президенти Дональд Трамп хавфли вирус тадқиқотларини молиялаштиришни тўхтатиш тўғрисидаги фармонни имзолади, деб Kursiv Media хабар берди. Бу тадқиқотлар патогенларнинг юқумлилиги ёки ўлимга олиб келиши салоҳиятини оширишга қаратилган бўлиб, COVID-19 пандемиясига олиб келгани тахмин қилинган.

Фармонга кўра, АҚШ федерал ҳукумати Хитой, Эрон каби давлатлардаги ва етарли тадқиқот назоратига эга бўлмаган бошқа хорижий мамлакатлардаги "gain-of-function" тадқиқотларига молия ажратишни тўхтатади. Шунингдек, АҚШдаги юқумли патогенлар ва токсинлар билан боғлиқ тадқиқотлар ҳам вақтинча тўхтатилади.

Бу қарор АҚШ разведка агентликлари, жумладан ФБР, ЦРУ ва Энергетика вазирлиги томонидан COVID-19 вирусининг келиб чиқиши бўйича лабораториядан чиқиб кетиш назариясига қўшилишлари фонида қабул қилинди. Трамп маъмурияти бу тадқиқотларнинг хавфли эканлигини ва янги пандемияларга сабаб бўлиши мумкинлигини таъкидлади.

«Замин»ни Telegram’да ўқинг!