Араб ижтимоий тармоқларида сешанба кунидан бери давом этиб келаётган Исроилдаги ёнғинлар мавзуси кенг муҳокама қилинмоқда. The Jerusalem Post шу мавзуга тўхталиб ўтди, дейилади Кун нашрида.
Маълумотларга кўра, қуруқ ва кучли шамол Исроилнинг марказий ва шимолий қисми, шунингдек ғарбий қирғоқ бўйлаб ёнғинларнинг тез тарқалишига сабаб бўлди.
Жамоатчилик хавфсизлиги вазири Гилад Эрдан (Ликуд) пайшанба куни эрталаб ёнғинларнинг қасддан уюштирилган бўлиши мумкинлигини тахмин қилгани ҳақида маълум қилган. Шу вақтнинг ўзида Таълим вазири Беннет (Байит Яҳудий) бу ишларни уюштирган одам яҳудий бўлиши мумкин эмаслигини таъкидлаган.
Манбага кўра, шу кунларда араб ижтимоий тармоқларида "Tel_Aviv_IsBurning" (Тель-Авив ёнмоқда) хэштеги трендга айланган.
Энг кенг твитланган постлардан бири Абу-Даби полиция ходими томонидан ёзиб қолдирилган. Унда қуйидаги сўзлар ёзилган: "Исроил намозга чорловчи азонни тақиқлади ва шундан кейин олов ичида қолди".
Бундан ташқари, Миср, Иордания ва Форс кўрфази Амирликлари ижтимоий медиалари ҳам Исроилнинг азонни тақиқлашга доир баҳсли қонун лойиҳаси туфайли табиат ана шундай йўл билан ўч олаётганига ишора қилишди.
Шунингдек Қувайт Катта масжидининг имоми - шайх Мишарий Рашид Ал- Аъфасий ўзининг Twitter'даги саҳифасида ёнғинга "омад тилаб", кинояли изоҳ қолдирган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Зеленский Путин борасида баёнот берди: “Тинчликни истаганлар юзига тупурмоқда”
Путин Украинадаги объектга баллистик ракета зарбаси берилганини эълон қилди
