Исроил Ғазода “Гидеон” операциясини бошлади: мақсад – ҲАМАСни йўқ қилиш

Исроил мудофаа кучлари (IDF) Ғазо секторида янги масштабдаги ҳарбий ҳаракатларни амалга оширишни бошлади. Операция “Гидеон жанговар аравалари” деб номланди ва Исроил ҳукумати буни Ғазодаги “стратегик ҳудудларни назоратга олиш” мақсадида амалга оширилаётганини маълум қилди. Бу ҳақда РБК-Украина IDF ва The Times of Israel маълумотларига таяниб ёзди.

Исроил Мудофаа вазирлиги хабарига кўра, сўнгги 24 соат ичида Исроил армияси Ғазода кенг кўламли ҳужумлар уюштирди ва муайян ҳудудлар устидан назоратни қўлга киритиш учун қўшинлар сафарбар қилинди. Армиянинг таъкидлашича, бу фаол ҳаракатлар операциянинг илк босқичи бўлиб, асосий мақсад — ҲАМАС гуруҳини йўқ қилиш ва гаровдаги фуқароларни озод этиш.

Оммавий ахборот воситаларига кўра, операция қуйидаги йўналишларни қамраб олмоқда:

- Исроил армияси Ғазо устидан тўлиқ назоратни ўрнатиши;
- Фаластинлик тинч аҳолини жанубий ҳудудларга эвакуация қилиш;
- ҲАМАС жангариларига нишонли зарбалар бериш;
- Гуруҳнинг гуманитар ёрдамни назорат қилиш имконини чеклаш.

Бош вазир Бинямин Нетаняҳу 5 май куни операциянинг янги босқичи бошланиши ҳақида баёнот берган эди. Унга кўра, Исроилнинг асосий мақсади — ҲАМАСни бутунлай йўқ қилиш — ўзгаришсиз қолмоқда.

13 май куни эса Нетаняҳу Ғазода олиб борилаётган ҳарбий ҳаракатлар тез орада якунига етаётганини эълон қилди ва “ҲАМАС бу ҳудудда энди қолмайди”, дея таъкидлади.

Zamin.uz таҳририяти минтақадаги вазият ривожини диққат билан кузатиб боради. Сиз ушбу операция ҳақида қандай фикрдасиз? «Замин»ни Telegram’да ўқинг!