Шварценеггернинг ўғли бир маҳсулотдан воз кечиб, 14 кг озди

Голливуд юлдузи, бодибилдинг афсонаси ва собиқ Калифорния губернатори Арнольд Шварценеггернинг ўғли Кристофер Шварценеггер ҳайратланарли тана ўзгариши билан омма диққатини торта бошлади. People журнали ёзишича, у биргина маҳсулот — нондан воз кечиб, 14 килограмм вазн йўқотган.

Пасха рўзаси унга катта мотивация берди

27 ёшли Кристофер Лос-Анжелесда бўлиб ўтган Beacher Vitality Happy & Healthy тадбирида иштирок этди ва ўзининг озиш жараёни ҳақида тўлиқ сўзлаб берди. Унинг сўзларига кўра, Пасха байрами олдидан рўза тутиш даврида 40 кун давомида нон истеъмол қилмасликка қарор қилган ва бу орқали жиддий натижага эришган.

— Бу жараённи беш йилдан бери бошдан кечиряпман. Бир кечада содир бўлмади. Ўзгаришга олиб келган ҳар бир одат босқичма-босқич шаклланган, — дейди у.

Мактуб давридан бери вазн муаммоси бор эди

Кристофер ўз нутқида мактаб ёшиданоқ ортиқча вазн билан курашиб келаётганини, турли хил парҳез ва озиш усулларини синаб кўрганини таъкидлади. Унинг таъкидлашича, бу жараёнда кўп хатоларга йўл қўйган, аммо вақт ўтиши билан организмига тўғри мос келадиган усулни топган.

— Ҳозир ҳам кўпчилик “катта ўзгардинг” дейди, лекин мен ҳали ҳам ўзимни озғин ҳис қилмайман. Лекин бу ишни уддалаганимдан фахрланаман, — деди у самимий суҳбатда.

Zamin.uz таҳририятидан:
Кристофер Шварценеггернинг мисоли озиш учун мураккаб парҳезлар ёки оғир машқлардан кўра, аста-секинлик билан одатларни ўзгартириш, сабр ва интизомнинг энг кучли қурол эканини яна бир бор исботлади. Сиз ҳам кундалик таомномангиздаги битта одатдан воз кечиш орқали ўзгариш бошлашга тайёрмисиз? «Замин»ни Telegram’да ўқинг!