Маск ва Бессент муштлашуви Трампни ҳайратга солди: “Бу ҳаддан ошиш!”

АҚШ сиёсий саҳнасида яна бир шов-шувли воқеа юз берди. Буюк тадбиркор Илон Маск ва молия вазири Скотт Бессент ўртасида Оқ уйда кескин тортишув келиб чиққан ва бу ўзаро жисмоний тўқнашувга айланган. Бу ҳақда Доналд Трампнинг собиқ маслаҳатчиси Стив Бэннон маълум қилди.

Бэннонга кўра, бу воқеа 2024 йил апрель ойида Овал кабинетдаги муҳокамадан сўнг, чиқиш йўлагида рўй берган. Бессент Маскни "фирибгар" деб атайди, шундан сўнг Маск унга елкаси билан зарба беради. Жавоб сифатида Бессент ҳам унга қарши ҳаракат қилади. Воқеа қизигандан кейин атрофдаги шахслар уларни ажратишга мажбур бўлган.

«Маск шундан кейин Оқ уйнинг Ғарбий қанотидан чиқариб юборилди», — дейди Бэннон. Унинг сўзларига кўра, президент Доналд Трамп воқеадан хабардор бўлиб, буни «ҳаддан ошиш» деб атаган.

Жанжалнинг илдизи АҚШ Солиқ хизмати раҳбарлигидаги тайинлов масаласига бориб тақалади. Маск ўз итиборатини Гэри Шепли номзодига қаратган бўлса, Бессент эса молия вазири ўринбосари Майкл Фолкендерни кўришни хоҳлаган. Натижада Маскнинг бу жараёнда Бессентни четлаб ўтгани унинг ғазабини келтирган.

Маск май ойининг охирида давлат хизматини тарк этишини маълум қилган ва Доналд Трамп томонидан илгари сурилган янги бюджет ва солиқ ислоҳотларини "жирканч бузуқлик" деб танқид қилганди.

Бир неча кун ўтиб, 5 июнь куни уларнинг муносабатлари янада кескинлашди. Маск “Эпштейн файллари” деб номланган ҳужжатларда Трампнинг исми борлигини эълон қилди. Шунингдек, у ўз қўллаб-қувватловисиз Трамп сайловларда ғалаба қозона олмаслигини, Конгрессда республикачилар устунликка эришмаган бўларди, дея таъкидлади.

Трамп бу баёнотларга жавобан, Маск бошқараётган компанияларни давлат субсидияларидан маҳрум қилиш билан таҳдид қилди.

Орадан икки кун ўтгач, Маск ўзининг “Эпштейн файллари” ҳақидаги постини ўчириб ташлади. Трамп эса журналистлар билан суҳбатда: «Мен унга қизиқмаяпман», — дея муносабат билдирди. The Washington Post ёзишича, Трамп ўз атрофидагиларни «оловга мой сепмаслик»ка чақирган, вице-президент Жей Ди Вэнсга эса Маск мавзусида оммавий чиқишларда эҳтиёткор бўлишни маслаҳат берган.