Жаҳондаги сиёсий воқеликлар тобора мураккаблашиб, Эрон ва Россия ўртасидаги ҳамкорлик янги босқичга кўтарилмоқда. Ислом Ҳамкорлик Ташкилоти саммити доирасида журналистлар билан ўтказилган матбуот анжуманида Эроннинг етакчи дипломати Аббос Ароқчий муҳим баёнот берди: у 22 июнь куни тушдан кейин Москвага учиб кетади ва 23 июнь эрталаб Россия президенти Владимир Путин билан муҳим учрашув ўтказишни режалаштирган.
Ароқчийнинг таъкидлашича, Эрон ҳар доим Россия билан яқин алоқада бўлиб келган ва ҳозирги глобал сиёсий вазиятда позицияларни мувофиқлаштириш янада долзарб аҳамият касб этмоқда. У Москвага ташрифининг асосий мақсади – икки давлат ўртасидаги стратегик шерикликни янада мустаҳкамлаш, янгидан-янги сиёсий ва иқтисодий масалаларни муҳокама қилиш эканини қайд этди.
Бугунги кунда, айниқса, АҚШ томонидан Эрондаги ядровий иншоотларга уюштирилган ҳаво зарбалари ортидан минтақада кескинлик янада ортди. Бундай шароитда Теҳрон ва Москва ўз сиёсий ҳаракатларини узвий равишда мувофиқлаштиришга ҳаракат қилмоқда. Ароқчий матбуот анжуманида “Россия – Эроннинг ишончли дўсти ва стратегик ҳамкори. Биз ҳар қандай глобал ёки минтақавий масалада бир-биримиз билан маслаҳатлашиб иш тутамиз”, дея таъкидлади.
Шунингдек, Эрон АҚШ билан олиб борилаётган ядровий дастур бўйича сўнгги музокаралар ҳақида ҳам Москвани доимий равишда ахборот билан таъминлаб турганини маълум қилди. Ташриф айниқса, минтақавий геосиёсий тенгликка жиддий таъсир ўтказиши кутилмоқда. Россия ва Эрон ўртасидаги бундай юқори даражадаги маслаҳатлашувлар нафақат икки томонлама муносабатларни, балки бутун минтақадаги вазиятни барқарорлаштиришда ҳам катта аҳамиятга эга.
Жамоатчилик эса бу учрашув яқин кунларда янги сиёсий ўзгаришларга сабаб бўлишини интиқлик билан кузатишмоқда.
Фото: Khalil Hamra/Associated Press «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
