Эстония вазири оддий математик саволга нега жавоб бера олмади?

Эстония таълим вазири Кристина Каллас ўз чиқиши билан маҳаллий ва халқаро жамоатчилик эътиборини яна ўзига қаратди, деб ёзади Zakon.kz. Сабаб – бир қарашда оддий туюлган, аммо катта муҳокамаларга сабаб бўлган жонли эфирдаги савол.

Танланган ток-шоу дастури давомида бошловчи вазирдан математика билан боғлиқ кўпчиликга таниш масалани сўради: «8 ни 4 га кўпайтирса неча бўлади?» Кутилганидан фарқли равишда, Кристина Каллас бу саволга аниқ жавоб бера олмади ва “билмайман”, деб жавоб берди.

Вазир бу ҳолатни шарҳлар экан, таълим тизими фақат формулалар ва рақамлардан иборат эмаслигини, энг муҳими, замонавий таълимнинг мазмуни кенг, кўп қиррали эканлигини таъкидлади. Аммо жамоатчилик бу ҳолатни бошқача қабул қилди – ижтимоий тармоқларда ва ОАВда ушбу воқеа тўғрисида қизғин мунозаралар бошланди. Аксарият одамлар таълим соҳасидаги раҳбар ҳатто энг оддий арифметик амални еча олмаслигини танқид қилиб, мамлакатдаги таълим ислоҳотлари қай даражада самарали эканлигини шубҳа остига қўйишди.

Шу билан бирга, Кристина Калласни соҳа ва фаннинг тажрибали ва етук вакили сифатида танишади. У 2016 йилда этносиёсий муносабатлар таҳлили мавзусидаги илмий иши билан сиёсий фанлар доктори илмий даражасини олган, таълим ва интеграция соҳасида эксперт ҳисобланади.

Муттахассислар айтишича, бундай ҳолат ҳар қандай давлатда содир бўлиши мумкин, чунки юқори лавозимдаги шахслар доимо ахборот босими ва турли саволларга дуч келишади. Аммо вазирнинг жавобсиз қолиши, айниқса таълим соҳасидаги мутахассислар учун, кенг жамоатчилик ўртасида турли фикр ва баҳсларга йўл очди.

Хулоса қилиб айтганда, бир қарашда оддий туюлган савол бу сафар кенг ижтимоий резонансга сабаб бўлди. Эстония таълим тизими, раҳбарларининг билим ва кўникмалари яна муҳокамалар марказида қолмоқда. Жамоатчилик эса, вазирнинг ушбу саволга жавоби ва унинг таълимга муносабати ҳақида турлича фикр билдиришда давом этмоқда. «Замин»ни Telegram’да ўқинг!