Европа ва дунё футболи яна бир оғир мусибатга дуч келди — “Ливерпуль” ҳужумчиси Диогу Жота ва унинг укаси Андре Силва Испания йўлларидаги даҳшатли автоҳалокатда ҳалок бўлди. 28 ёшли футболчига спортмашинада ҳамроҳлик қилган укаси билан йўлда кетар экан, машина шинаси портлаган ва натижада йўлни тарк этган. Бир неча сония ичида ёниб кетган автомашинадан чиқиб кетишнинг иложи бўлмаган.
Ҳодиса тез орада бутун жаҳон ОАВларида асосий янгиликка айланди. Маълумотларга кўра, Диогу Жота яқинда ўпкасидан жарроҳлик амалиёти ўтказган ва шифокорлар унга самолётда учишни тавсия этмаган. Шу сабабли, укаси билан Сантандер шаҳрига бориб, у ердан кемада Буюк Британияга етиб олишни мақсад қилган.
Футболчи Англияга қайтиб, “Ливерпуль” билан янги мавсумга тайёргарлик кўриш учун йўлга чиққанди. Аммо афсуски, тақдир уни бошқача синовга дучор қилди. Мухлислар ва футбол жамоатчилиги бу даҳшатли воқеадан ҳануз ҳузур топа олмаяпти — миллионлаб инсонлар Диогу Жота ва укаси хотираси учун мотам тутаяпти.
Жота нафақат майдондаги ўйинлари, балки самимийлиги, меҳнатсеварлиги ва инсонпарварлиги билан мухлислар қалбидан чуқур жой олган эди. Унинг ва укаси Андре Силванинг ҳаёти ҳамда фаолияти бутун дунёда ҳурмат ва эҳтиром билан ёдга олинади. Ҳозирги кунда клуб ва жамоадошлари, футбол оиласи ва спорт мухлислари Диогу Жота ва укаси хотираси учун чуқур ҳамдардлик билдираётган пайтда, ушбу фожиали воқеа ҳақиқий инсонийлик ва ҳаёт қадрини яна бир бор эслатди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
