АҚШ президенти Доналд Трамп Россия ва Украина ўртасидаги урушни тўхтатиш бўйича ҳаракатлар контекстида Владимир Путинга нисбатан кескин танқидлар билдирди. Унга кўра, Россия президенти билан мулоқотларда “жуда хушмуомала” муносабатлар бўлишига қарамай, натижа кузатилмаяпти.
“Кўп одам ўлмоқда ва бу тўхтатилиши керак. Тўғрисини айтсам, биз Путиндан фақат беҳуда гапларни эшитяпмиз. У доимо жуда хушмуомала, аммо охир-оқибат бундан ҳеч қандай фойда бўлмади”, – деди Трамп.
Унинг таъкидлашича, Россия-Украина масаласида сўнгги телефон мулоқоти ҳам ҳеч қандай ижобий бурилиш бермаган. “Мен Путин билан мулоқот қилишга тайёрман, лекин у урушни тўхтатишга ҳали ҳам жиддий эмас”, – дея таъкидлади сиёсатчи.
Шу билан бирга, Трамп сенатор Линдси Грэм томонидан таклиф қилинган Россияга қарши янги санкциялар тўғрисидаги қонун лойиҳасини “жуда жиддий” тарзда кўриб чиқаётганини маълум қилди. “Хўш, мен буни сизга айтмаган бўлардим. Кичик сюрприз қилмаймизми?”, – дея журналистларга мурожаат қилган Трамп.
Эслатиб ўтамиз, апрел ойида тақдим этилган санкциялар пакетига кўра, Россия билан савдо қилувчи ва Украинага ёрдам бермайдиган давлатлардан келаётган товарларга 500 фоизли бож жорий этиш таклиф қилинган. Бу ташаббус 100 сенатордан 80 нафаридан ортиғи томонидан қўллаб-қувватланган.
Сиз нима деб ўйлайсиз: бу танқидлар Москва билан муносабатларга қандай таъсир кўрсатиши мумкин? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
