АҚШ президенти Доналд Трамп халқаро савдо сиёсатида яна бир катта қадам ташлади — у мамлакатга олиб кириладиган мисга 50 фоизлик бож жорий этилишини эълон қилди. Бу нафақат иқтисодчилар, балки глобал бозор иштирокчилари орасида ҳам катта қизиқиш уйғотди.
Янги тарифлар электромобиллар, ҳарбий техника, электр инфратузилмалари ва истеъмол товарлари учун зарур бўлган металл ишлаб чиқариш тармоқларига таъсир кўрсатиши кутилмоқда. АҚШда мис фючерслари бу хабардан сўнг 10 фоиздан кўпроқ ошгани кузатилди.
Бундан ташқари, Трамп ҳукуматининг режасига кўра, яқин келажакда яримўтказгичлар ва фармацевтика маҳсулотларига ҳам қаттиқ божлар жорий этилиши мумкин. Айниқса, дори-дармонлар импорти учун 200 фоизлик бож ҳақидаги эҳтимолий қарор АҚШ фармацевтика компаниялари акцияларига салбий таъсир кўрсатди.
Шу билан бирга, АҚШ президенти тарифларни жорий этишда муайян муддатлар бўлиши мумкинлигини айтди. Унга кўра, айрим божлар 2026 йилга қадар кечиктирилиши эҳтимолдан холи эмас.
Экспертлар фикрича, бу қадамлар АҚШнинг ички ишлаб чиқарувчиларини ҳимоя қилишга қаратилган бўлса-да, халқаро миқёсда савдо урушларининг янада авж олишига олиб келиши мумкин.
Сиз нима деб ўйлайсиз: АҚШнинг бундай иқтисодий босими жаҳон бозорида қандай оқибатларга олиб келиши мумкин? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
