13 йиллик муҳаббат мактуби океандан Ирландияга етиб борди

Кимдир учун бу ерда романтика фақат кино ва китоб саҳифаларида яшайди, аммо Канадалик жуфтлик – Анита ва Бред – учун бу ҳаётий, самимий ва эътиборли воқеага айланди. Улар 2012 йилнинг сентябрида Нюфаундленддаги Белл оролига қилган романтик саёҳатида ғоят нодир бир нарса – “муҳаббат мактуби”ни шишага солиб, уни океан сувига ташлашган эди.

Қоғозда шундай сатрлар бор эди: “Анита ва Бреднинг Белл оролидаги саёҳати. Бугун кечқурун шинам овқат, бир шиша вино ва бир-биримизни баҳраманд қилдик.” Уларнинг мактуби сўнгида “Илтимос, топсангиз, бизга қўнғироқ қилинг,” деб ёзилган ва рақам қўшилган эди.

Шундан бери 13 йил вақт ўтди. Бу шиша Атлантика океани орқали тахминан 3,200 километр масофани босиб ўтиб, Ирландиянинг ғарбий соҳилида жойлашган Керри графлигидаги Скраггане Бейда топилди. Унга тўлиқ тасодифан дуч келган ирланд жуфтлик — Кейт ва Жон Гей — соҳилдаги тозалаш тадбири чоғида уни кўриб қолишди.

Кейт ва Жон шишани очиб, ичидаги романтик ёзувни ўқишди. Унга тост қилиб, ўша вақтдаги жуфтлик ҳали ҳам бирга эканми, деб қизиқишди. Улар мактубдаги телефон рақамига қўнғироқ қилишди, аммо жавоб олишмади.

Шунда улар бутун воқеани “Маҳареэс Ҳеритаге анд Cонсерватион” номли экологик ташкилот саҳифасида эълон қилишди. Ушбу ташкилот ўша соҳил тозалаш тадбирини ташкил этган эди. Пост ижтимоий тармоқларда вирусдек тарқалди. Бир неча соат ичида Канададаги дўстлар мактуб эгаларини — Анита ва Бред Сквайрс — ни топиб, уларга хабар беришди.

Ҳозирда Анита ва Бред 2016 йилда расман турмуш қурган, уч нафар фарзандли оила ва Нюфаундлендда ҳаёт кечиришмоқда. Анита — соғлиқни сақлаш соҳасида меҳнат қиладиган ҳамшира, Бред эса яқинда Канада Қироллик Милицияси (Роял Cанадиан Моунтед Полиcе) сафидан нафақага чиққан.

“Охирги 48 соат жуда ҳайратомуз бўлди,” — дейди Бред Гуардиан нашрига. “Душанба кечқуруни кичик ўғлимизни ухлатар эдим, телефоним тинимсиз жингиллай бошлади. Бу ғайриоддий эди. Шундан кейин Анита бошқа хонада кулиб юборди. Унинг ҳам телефони тинмай чалинаётган эди. Ҳонадан чиқсам, у: 'Сен ишонмайсан бу воқеага!' — деди.”

Ирландиянинг РТÉ радиоси билан суҳбатда Бред шундай деди: “Ўша вақтда биз фақат муҳаббатли ёшлар эдик. Ҳозир эса биз муҳаббатни сақлаб қолган катталармиз. Бу воқеа бутун дунёдаги инсонларнинг қалбига тегди. Янги дўстлар топяпмиз ва насиб қилса, тез орада Ирландияга сафар қилиб, шиша топилган соҳилни кўрамиз.”

Маҳареэс Cонсерватион Ассоcиатион раҳбари Марта Фаррелнинг таъкидлашича, бу воқеа Канададаги бошқа жуфтликларни ҳам ўз тарихлари билан бўлишишга илҳомлантирган. Атлантика орқали юборилган “шиша мактуб”лар ҳақида янада кўпроқ воқеалар пайдо бўлмоқда.

Бу содда, лекин таъсирли воқеа бизга хотираларни асраш ва уларни дунё билан бўлишиш инсонларни қандай боғлашини кўрсатади. Бир шиша, бир неча сатр ва чуқур эҳтирос – бунинг натижасида юраклар бирлашди, континентлар боғланди.

Муҳаббат вақтни, масофани, ҳатто океан тўлқинларини ҳам енгиши мумкин. Анита ва Бреднинг қиссаси — замонавий дунёда ҳам романтика ва самимиятга жой борлигини тасдиқловчи гувоҳдир. «Замин»ни Telegram’да ўқинг!