Яқин Шарқдаги тортишувли вазиятлар фонида Исроил ҳукумати Сурия ҳудудида фаолият юритаётган гуруҳлар ва уларнинг раҳбариятига қарши кескин баёнот билан чиқди. Бу ҳақда Исроилнинг нуфузли нашри — “Israel Hayom” газетаси ёзмоқда. Манбаларнинг маълум қилишича, расмий Тел-Авив ўз талабларини тўғридан-тўғри эмас, АҚШ орқали етказган.
Хабарга кўра, Исроил томони Аҳмад ал-Шарага жонли огоҳлантириш берган:
“Якшанба куни тушга қадар Сувайда вилоятида вазиятни барқарорлаштиринг, барча бедуин гуруҳларини ушбу ҳудуддан чиқаринг. Агар бу талаблар бажарилмаса, Суриядаги қуролли тузилмаларингизга нисбатан ҳарбий куч ишлатамиз.”
Бу билдирувдаги тон ва муҳлат масаланинг қанчалик жиддий эканидан дарак беради. Сувайда минтақаси охирги ҳафталарда ноаниқлик, ички тўқнашувлар ва маҳаллий қуролли гуруҳлар фаолияти билан бутунлай беқарор ҳолга келган. Исроил эса бу вазиятни ўз хавфсизлигига таҳдид сифатида баҳоламоқда.
Аҳмад ал-Шара, айни пайтда, Сурия жанубидаги бир қатор қўшинларнинг ҳамда бедуинлар билан боғлиқ гуруҳларнинг норасмий етакчиси сифатида танилган. Унинг орқали тинчлик шартларини илгари суриш Исроил учун юзага келаётган хавфни тезда чеклашга уриниш сифатида талқин қилинмоқда.
Исроил томонининг бу хатари агар амалий босқичга ўтса, бу нафақат Сурия, балки бутун минтақадаги вазиятга таъсир қилувчи янги босқични бошлаб юбориши мумкин.
АҚШнинг бу жараёндаги иштироки эса Исроилнинг огоҳлантириши жиддий ва халқаро даражада ҳам кўриб чиқилаётганини кўрсатади.
Яқин кунларда Шара томонидан қайси йўналиш танланиши, минтақавий тинчлик учун ҳал қилувчи нуқтага айланиши мумкин. Суриядаги барқарорлик ва кенг қамровли хавфсизлик масалалари яна бир бор халқаро майдонда эътибор марказида. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
