Шимолий Корея раҳбари Ким Чен Иннинг қудратли синглиси Ким Ё Чон Жанубий Корея президенти Ли Че Мёнг томонидан билдирилган тинчликка доир таклифларни кескин рад этди. Бу Пхенян томонидан янги президентга нисбатан илк расмий муносабат бўлди ва икки Корея ўртасидаги таранглик ҳали босилмагани яна бир бор тасдиқланди.
"Агар Жанубий Корея (ўз ҳаракатлари) оқибатларини бир нечта ҳиссиётли сўзлар билан бутунлай ўзгартиря оламан деб ўйлаётган бўлса, бундан катта хатo бўлиши мумкин эмас", — деди Ким.
Президент Ли Че Мёнг июн ойида президентлик лавозимини эгаллаганидан сўнг, икки давлат муносабатларини яхшилашга уринди. У Шимолий Кореяга қарши ташвиқот эшиттиришларини тўхтатди. Бироқ Пхенян бу ҳаракатларни жиддий қадам деб ҳисобламаяпти.
Жанубий Корея Бирлашув вазирлиги Ким Ё Чжоннинг сўзларига жавобан баёнот бериб, Пхенян билан ишончни тиклаш йўлида ҳаракатлар давом этишини таъкидлади. Вазирлик вакили Ку Бён Сам: “Бу баёнотлар икки томон ўртасидаги ишончсизлик девори ҳали ҳам баланд эканини кўрсатмоқда”, — деди.
Президент Ли эса АҚШ билан ҳарбий иттифоқни "қон билан муҳрланган иттифоқ" деб атап, у мустаҳкамланишини билдирди. Бу баёнот АҚШ билан олиб борилаётган савдо музокаралари фонида янгради.
Шимолий ва Жанубий Корея ўртасида ҳали ҳам расмий тинчлик шартномаси йўқ. 1950–1953-йиллардаги Корея уруши фақат ўт очишни тўхтатиш билан якунланган. Бугунги кунда икки давлат ўртасидаги ишонч ва мулоқот имкониятлари ҳар доимгидек мураккаб бўлиб қолмоқда.
«Замин»ни Telegram’да ўқинг!
