Канада оролларида туб аҳолининг тарихий ғалабаси

Канаданинг Британия Колумбияси шимолий соҳилидаги Гвайи Ханас оролларида яшовчи Ҳаида халқи ўз ерларини бошқариш ҳуқуқини қайта қўлга киритди. Минглаб йиллик тарихга эга бу халқ, ноёб табиат манзаралари ва бой маданияти билан машҳур оролларда янги даврни бошлаб бермоқда.

2024-йилда Ҳаида халқи Канада ва вилоят ҳукумати билан муҳим келишувларга эришди. Бу ҳужжатлар орқали улар ер, сув ва ресурслар устидан мустақил назорат ҳуқуқини олди. Энди минтақадаги сайёҳлик фаолиятлари ҳам Ҳаида томонидан бошқарилади.

ЮНЕСКО рўйхатига киритилган қадимий қишлоқлар, тотем устунлари ва маданий ёдгорликлар Ҳаида ёшларига ўз илдизларига қайтиш имконини бермоқда. Маҳаллий турфирмалар эса меҳмонларга экотуризм ва маданий экскурсияларни таклиф қилмоқда.

Бу туб халқ учун нафақат ўз меросини тиклаш, балки уни масъулият билан сақлаб қолиш имкониятидир. Ҳаида халқи: “Ер бизга тегишли эмас – биз ерга тегишлимиз”, деган тамойилга амал қилмоқда.