The Telegraph ёзганидек, дунё сиёсий саҳнасида жиддий ўзгаришлар кузатилиши мумкин. Муаллиф Даниэл Ханнаннинг фикрича, Аляскада ўтган Трамп ва Путин саммити Ғарб учун амалий мағлубият сифатида баҳоланади. Бу келишув орқали Россия босиб олган ҳудудларнинг асосий қисми ўз қўлида қолади, санкциялар юмшатилиши мумкин, АҚШ эса Украинага қурол етказиб беришни тўхтатади.
Ханнан таъкидлайдики, Киев Ғарб томонидан Зеленский шахси учун эмас, балки Атлантика Хартияси ва БМТ Низомидаги асосий тамойил – чегаралар зўравонлик билан ўзгартирилмаслиги қоидаларини ҳимоя қилиш мақсадида қўллаб-қувватланиб келган.
Агар Путин ўз ютуқларини сақлаб қолса, бу НАТО иттифоқчиларини ҳимоя қилмаслиги ҳақидаги сигнални бутун дунёдаги диктаторларга узатиши мумкин.
"1945 йилдан кейин шаклланган дунё тизими йўқолмоқда ва унинг ўрнига совуқ ҳамда қоронғу тартиб келмоқда", – деб ёзади шарҳловчи.