Ҳиндистонда мухолифат партиялари 2024-йилги умумхалқ сайловлари бўйича сайлов комиссиясини адолатсизликда айбламоқда. Уларнинг фикрича, сайлов жараёнида овоз ўғирланиши ва бошқа қонунбузарликлар бўлган. Парламентда мухолифат аъзолари сайлов тизими юзасидан мунозара талаб қилганида мажлис тўхтатиб қўйилди.
Мухолифат етакчиси Раҳул Ганди сайлов комиссияси маълумотларига асосланиб, овоз берувчилар рўйхатида юз минглаб сохта ёки такрорий ёзувлар аниқланганини айтди. Унинг таъкидлашича, айрим манзилларда ўнлаб, ҳатто юзлаб одам бир хил жойда рўйхатдан ўтган. Шунингдек, у сайлов участкаларидаги камера ёзувлари ўчириб ташланганини даъво қилди.
Сайлов комиссияси ва ҳукмрон Бҳаратия Жаната партияси бу айбловларни “асоссиз” деб рад этди. Комиссия Гандидан ўз сўзларини исботлаш ёки халқ олдида узр сўрашни талаб қилди. Ҳукумат вакиллари эса мухолифатни демократик институтларни обрўсизлантиришда айблади.
Июнда бошланган текширувда 6,5 миллион ном рўйхатдан чиқарилди. Комиссия бунга такрорий ёзувлар, вафот этганлар ва бошқа штатларга кўчиб кетганлар сабаб бўлганини айтмоқда. Танқидчилар эса кўплаб сайловчилар, айниқса мигрантлар ва озчилик вакиллари, ноҳақ рўйхатдан чиқарилганини таъкидламоқда.
Ҳиндистон Олий суди ҳозирча кенг кўламли овоз берувчиларни четлатиш бўйича далиллар етарли эмаслигини айтди, аммо агар бундай ҳолат исботланса, зудлик билан чоралар кўрилишини билдирди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
