date

Зеленский Трамп учрашувига махсус кийим танлади

Зеленский Трамп учрашувига махсус кийим танлади

Украина президенти Владимир Зеленский АҚШда Доналд Трамп билан учрашувга дизайнер Виктор Анисимов тиккан қора костюмда борди. Бу либос оддий ҳарбий кийимлардан фарқли ўлароқ, тинчлик рамзи сифатида танланган.

Трамп Зеленскийнинг кўринишини мақтади. Бу аввалги учрашувдан кескин фарқ қилади. Феврал ойида у Зеленскийнинг ҳарбий услубдаги кийимини танқид қилганди.

Дизайнер Анисимов кичик ўзгаришлар орқали президентга расмий ва фуқаровий тус беришга ҳаракат қилган. Унга кўра, бу деталлар Украинага омад келтириши мумкин.

Зеленский уруш бошланганидан бери аскарлар билан бирдамлик учун доим ҳарбий кийим кийиб келаётган эди. Аммо АҚШдаги учрашув учун у бошқача кўринишни танлади.

Бу костюм Зеленский учун махсус тайёрланган либослар туркумининг бир қисми. Президент уни Европа саммитлари ва муҳим маросимларда ҳам кийиб, дипломатик учрашувларда янги образни намоён қилмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Дунё » Зеленский Трамп учрашувига махсус кийим танлади