Американинг Шимолий Каролина штатида содир бўлган воқеа кўпчиликни ҳаяжонга солди. Хавфсиз ва осойишта ҳаёт топиш орзуси билан АҚШга қочиб келган ёш украиналик йигитга уй-жойсиз шахс пичоқ билан ташланди.
Маълумотларга кўра, 23 ёшли украиналик қочқин Америкага умид излаб келган. Аммо унинг ҳаёти кутилмаганда йўл кесишган бегонанинг бераҳмли ҳужуми ортидан узилди. Манбалар ёзишича, жабрланувчи кўплаб тан жароҳатлари олиб, шифокорлар ёрдамигача етиб бормасдан ҳалок бўлган.
Тафсилотларга кўра, ҳодиса 22 август куни кечқурун Шарлотта шаҳридаги темир йўл бекати атрофида содир этилган. Полиция маълумотига қараганда, украиналик Ирина Зарутская бир неча марта пичоқ билан жароҳатланган. Шунинг ортидан унинг ҳаётини сақлаб қолиш имкони қолмаган.
Ҳуқуқ-тартибот идоралари гумонланувчи шахсини ҳам аниқлашга муваффақ бўлди. Расмий маълумотларга кўра, воқеада гумонланаётган 34 ёшли кичик ДеКарлос Браун қўлга олинган. Унинг ўзи ҳам ҳодиса пайтида танасидан жароҳат олган ва шифохонага етказилган. Маълумотларга кўра, жароҳатлар унинг ҳаёти учун хавф туғдирмайди.
Жамоатчилик орасида бу воқеа катта муҳокамага сабаб бўлди. Чунки бир тарафдан урушдан қочиб, тинч ҳаёт излаб келган инсон ҳаёти йўқотилди. Иккинчи томондан эса Америка кўчаларида хавфсизлик масалалари яна бир бор кун тартибига чиқди.
Айни вақтда полиция ҳодисанинг аниқ сабабларини текширмоқда. Тергов жараёнида ҳужумчи ва жабрланувчи ўртасида олдиндан танишлик ёки можаро мавжуд бўлган-бўлмагани ўрганилмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
