Пайшанба куни Исроил кучлари Ғазо шаҳрида ҳарбий ҳаракатлар олиб бориб, камида 16 фаластинликни ўлдирди ва жанубий ҳудудларда кўплаб кишилар жароҳатланди. Шаҳардаги бомбардимон кучайганлиги ҳақида аҳоли хабар берди.
Исроил армияси Ғазо шаҳрини эгаллашга тайёрланмоқда. Халқаро ташкилотлар эса буни тўхтатишга чақирмоқда, чунки бу бир миллиондан ортиқ одамнинг ҳаётини хавф остига қўйиши мумкин.
Шаҳар чеккаларидаги оилалар уйлардан қочиб, кўпроқ соҳилга йўналгани айтилмоқда. Сўнгги 24 соатда Исроил ўқидан ўлганлар сони 71 кишига етган.
Жанубий Ғазо ҳудудида, айниқса Хон Юнис шаҳрида, кўплаб одамлар шифохонага ётқизилган. Кўпчилик озиқ-овқат тарқатиш жойида ўқ остида қолган, баъзилари эса оғир аҳволда.
Ғазо ҳудуди уруш ва бомбардимон туфайли жиддий инқирозда. Маҳаллий соғлиқни сақлаш органларига кўра, уруш бошлангандан бери 62 мингдан ортиқ фаластинлик ҳалок бўлган, шунингдек, очликдан 317 киши, жумладан 121 бола вафот этган.
«Замин»ни Telegram’да ўқинг!
