Сўнгги кунларда ижтимоий тармоқлар ва турли оммавий ахборот воситаларида АҚШ президенти Доналд Трамп вафот этгани ҳақида турли хабар ва миш-мишлар тарқалди. Бу маълумотлар жамоатчилик орасида катта қизиқиш ва саволларга сабаб бўлди.
Мазкур даъволарга асос сифатида АҚШ вице-президенти Жей Ди Вэнснинг кечаги чиқиши келтирилмоқда. У ўз баёнотида:
— Агар Трамп билан қандайдир ҳодиса содир бўлса, мен президентлик ваколатларини ўз зиммамга олишга тайёрман, — деган.
Шунингдек, Трамп сешанба кунидан бери омма олдида кўринмагани ҳам ноодатий ҳолат сифатида талқин қилинмоқда.
Айрим манбалар ҳатто «Пентагон фавқулодда ҳолатларга жавоб қайтаришда фаол ҳаракат қилаётганидан далолат берувчи “пицца индекси” юқори даражада экани кузатилмоқда», дея таъкидламоқда «Страна».
Эслатиб ўтамиз, аввалроқ Оқ уй эълон қилган тиббий хулосада Трампда веноз етишмовчилиги аниқлангани қайд этилган эди. Бир неча кун муқаддам эса оммавий ахборот воситалари унинг қўлида кўкаришлар борлигини пайқашган.
Шу билан бирга, ҳозирча Трампнинг ҳолатига оид ҳеч қандай расмий изоҳ берилмади. Унинг вафотига оид аниқ ва ишончли далиллар мавжуд эмас.
Мутахассислар таъкидлашича, ҳозирги вазиятда расмий баёнот чиқмагунча тарқалаётган миш-мишларга ишонмаслик лозим. Жамоатчилик эса Оқ уйдан расмий маълумотни кутишда давом этмоқда.
«Замин»ни Telegram’да ўқинг!
