Австралиянинг Виктория штатида икки полициячини ўлдирганликда гумон қилинаётган 56 ёшли Деззи Фриман ҳануз қўлга олинмаган. У ўтган ҳафта Порепункаҳ қишлоғидаги уйида тинтув вақтида полициячиларга қаршилик кўрсатиб, уларни отиб ташлаган.
Фриман воқеадан кейин ўрмонларга қочиб кетган. Полиция уни топиш учун бир ҳафтадан бери вертолёт, зирҳли машина ва махсус кучларни жалб қилиб, катта қидирув ишларини олиб бормоқда.
Ҳокимият маълумотига кўра, гумонланувчига айрим одамлар ёрдам бераётгани аниқланган. Полиция уларни огоҳлантириб, бу ҳам оғир жиноят эканини эслатди.
Фриманнинг рафиқаси Амалия Фриман уни таслим бўлишга чақирди. У, шунингдек, ҳалок бўлган полициячилар оилаларига ҳамдардлик билдириб, оиласининг ҳокимиятга қарши қарашлари йўқлигини айтди.
Бу воқеа Австралияда сўнгги йилларда кучайиб бораётган ҳокимиятга қарши гуруҳлар ҳақида яна саволлар туғдирди. Уч йил аввал ҳам Квинсленд штатида шунга ўхшаш ҳужумда полициячилар ҳалок бўлганди.
«Замин»ни Telegram’да ўқинг!
