Хитой сўнгги йилларда кемасозликни кескин ривожлантириб, дунёдаги энг катта ҳарбий флотлардан бирига айланди. Бугунги кунда Хитойда 234 та жанговар кема мавжуд бўлиб, бу кўрсаткич АҚШ денгиз флотидан ҳам кўпроқдир.
Мутахассисларнинг айтишича, Хитой кемасозлик имкониятлари АҚШникидан юзлаб баробар катта. Шу сабабли Хитой қисқа вақт ичида кўплаб янги кемаларни қуриб, денгиздаги кучини оширмоқда.
Шу билан бирга, АҚШ ҳануз техник жиҳатдан устун. Америкада кўплаб йирик авиация ташувчи кемалар ва замонавий сув ости кемалари бор. Хитойда эса ҳозирча фақат икки дона самолёт ташувчи мавжуд.
Аммо Хитой ўз қудратини тез кенгайтиряпти. Жанубий Хитой денгизида янги базалар қурилмоқда, сув ости дронлари ва ракета тизимлари синовдан ўтказилмоқда. Бу эса минтақадаги кучлар мувозанатига таъсир қилиши мумкин.
Пекин раҳбарияти флотни кучайтиришни миллий хавфсизлик билан изоҳламоқда. Президент Си Цзиньпин Хитой энди хорижий тажовузлар олдида заиф бўлмаслигини таъкидлайди.
«Замин»ни Telegram’да ўқинг!
