Хитойнинг давлат назоратидаги “Dongfang Electric” компанияси янги лойиҳани эълон қилди: 26 мегаватт қувватга эга денгиздаги шамол турбинаси прототипи ўрнатилиши режалаштирилган. Бу эса уни бутун дунёдаги энг кучли ва йирик шамол электр станциясига айлантирди.
Мазкур турбина тармоққа уланганидан сўнг, йилига 100 миллион киловатт-соат электр энергияси ишлаб чиқариш қувватига эга бўлади. Бу ҳажм эса тахминан 55 минг хонадонни барқарор электр энергияси билан таъминлаш имконини беради, яъни мамлакатнинг энергия тизимига сезиларли ҳисса қўшади.
Шунингдек, бу шамол турбинаси секундига 8 метр ва ундан юқори шамол тезлигига эга бўлган денгиз ҳудудларида самарали ва узлуксиз ишлаш учун махсус мўлжалланган. Бу ҳолат, келажакдаги энергия самарадорлигини ва экологик тозаликни таъминлашга қаратилган стратегик лойиҳа сифатида аҳамият касб этади.
Янги станция нафақат Хитойнинг энергия ресурсларини мустаҳкамлашга, балки глобал энергия бозоридаги ўрнини мустаҳкамлашга ҳам хизмат қилади. Шу билан бирга, у келажакдаги денгиздаги шамол энергиясини ривожлантириш ва йирик экологик барқарор лойиҳалар учун намуна сифатида хизмат қилади.
«Замин»ни Telegram’да ўқинг!
