Германия ғарбида жойлашган Шимолий Рейн-Вестфалия федерал штатида маҳаллий сайловларга икки ҳафтадан камроқ вақт қолганида ўта ўнгчи "Германия учун муқобил" (AfD) партияси сафидан олти нафар номзод вафот этди. Бу ҳақда BBC News хабар берди.
Аввалроқ эса вафот этган тўрт нафар сиёсатчи ҳақида маълумотлар тарқалган эди. Ушбу ҳолат маҳаллий сиёсий муҳитда қувватли муҳокамаларни келтириб чиқарди.
Штатнинг Ички ишлар вазирлиги билдиришича, бошқа партиялардан, хусусан Яшиллар ва Социал-демократлардан бир қатор номзодлар ҳам сайловолди ташвиқоти даврида ҳалок бўлган. Полиция эса, бу шахсларнинг ўлимида шубҳали ҳодисалар топилмаганини таъкидлади, аммо бундай шароитда сайлов бюллетенлари қайта чоп қилиниши зарур бўлиб, почта орқали овоз берган баъзи сайловчилар қайтадан овоз бериш имконига эга бўлиши керак.
Маҳаллий сайловлар 14 сентябрга белгиланган бўлиб, унда 20 минг номзод қатнашади. Шимолий Рейн-Вестфалия аҳолиси эса 18 миллион кишини ташкил этади.
Сиёсатчилар орасида ушбу вафот этганлар сонининг кўплиги кўпчилик учун шубҳали ҳолат сифатида қабул қилинмоқда ва бу воқеа ижтимоий тармоқларда қизғин муҳокамаларга сабаб бўлди. Аксарият фойдаланувчилар ва мутахассислар бу ҳодисани таҳлил қилиб, сайлов жараёнига таъсирини кўриб чиқмоқда.
«Замин»ни Telegram’да ўқинг!
