Киевдаги ҳукумат биноси ракета зарбасига учради. Украина расмийлари ҳужумда Россиянинг “Искандер” ракетаcи ишлатилганини айтомоқда. Бинонинг юқори қисми зарар кўрган, аммо ракета тўлиқ портламаган.
Президент Владимир Зеленский бу воқеани қоралаб, халқаро ҳамжамиятни Россияга босимни кучайтиришга чақирди. У Ғарб технологиялари Россия қўлига тушаётгани ва ракеталар ишлаб чиқаришда қўлланилаётганини таъкидлади.
Донбассдаги Ярова қишлоғида эса пенсия олиш учун навбатда турган 20 дан ортиқ фуқаро бомбадан ҳалок бўлди. Уларнинг аксарияти ёши катта одамлар экани билдирилди.
Мутаҳассислар Россиянинг ҳужумлари кучаяётганини айтмоқда. Дронлар ва ракеталар биргаликда қўлланилмоқда, бу эса Украинанинг мудофаасини заифлаштирмоқда. Украина расмийлари халқаро ёрдам зарурлигини қайд этмоқда.
«Замин»ни Telegram’да ўқинг!
