АҚШ президенти Доналд Трамп Европа Иттифоқини Хитой ва Ҳиндистонга 100 фоизгача бож жорий этишга ундади. Унга кўра, бу чоралар Россия президентига босим ўтказиб, Украинадаги урушни тугатишга ёрдам бериши керак.
Трампнинг таклифи Россия ҳужумлари кучайиб бораётган пайтда билдирилди. Ўтган дам олиш кунлари Киевдаги ҳукумат биноси ракета зарбасига учради, Донбассда эса пенсия олиш учун навбатда турган 20 дан ортиқ фуқаро ҳалок бўлди.
Трамп вазиятдан норози эканини айтиб, Россияга қарши янада қаттиқроқ санкциялар қўлланилиши мумкинлигини билдирди. У яқин кунларда Путин билан телефон орқали суҳбатлашишни ҳам режалаштираётганини маълум қилди.
Хитой ва Ҳиндистон Россия нефтининг энг катта харидорлари ҳисобланади. Шу сабабли уларга қарши бож чораларини кучайтириш Россия иқтисодиётига сезиларли таъсир кўрсатиши мумкинлиги айтилмоқда.
«Замин»ни Telegram’да ўқинг!
