Истанбул мерии Экрем Имамоғлу коррупция айблови билан қамоққа олинди. У барча айбловларни рад этиб, бу ишни сиёсий тазйиқ деб атамоқда. Имамоғлу мухолифатдаги энг кучли номзодлардан бири сифатида президентлик сайловларида Эрдоғанга рақиб бўлиши мумкин эди.
Мутахассисларнинг айтишича, бу воқеа Туркияда сиёсий эркинликлар тобора чекланаётганидан далолат беради. Сўровлар Имамоғлу каби номзодларнинг катта имкониятга эга эканини кўрсатган эди. Унинг ҳибсга олиниши мухолифат учун катта зарба бўлди.
Қамоқдан кейин Истанбулда норозилик намойишлари бошланди. Минглаб одамлар кўчага чиқди, юзлаб намойишчилар ҳибсга олинди. Халқаро ҳамжамият эса воқеаларга суст муносабат билдирмоқда.
Шу билан бирга, Эрдоған тарафдорлари уни кучли раҳбар деб ҳисоблаб, қўллаб-қувватлашда давом этмоқда. Сиёсатшунослар эса сайловлар Туркия келажаги учун ҳануз муҳим аҳамиятга эга эканини таъкидлашмоқда.
«Замин»ни Telegram’да ўқинг!
