Австралиянинг Миллий Иқлим Хавфи баҳолашига кўра, 2050 йилга келиб қирғоқ ҳудудларида яшовчи 1,5 миллиондан ортиқ одам денгиз сатҳи кўтарилиши хавфи остида бўлади. Ҳисобот сув тошқинлари, циклонлар, иссиқ тўлқинлар, қурғоқчилик ва ёнғинлар каби иқлим ўзгаришининг кескин таъсирларини кўрсатади.
Австралия аллақачон 1,5°C даражасида исиб бўлган. Агар исиш 3°C га етадиган бўлса, Сиднейда иссиқлик билан боғлиқ ўлимлар 4 баробар ошиши ва Мельбурнда деярли уч баробар кўпайиши мумкин.
Қирғоқ ҳудудларидаги жамоалар ва шимолий Австралия, чеkka ҳудудлар ва йирик шаҳарлар ташқарисидаги қишлоқлар энг юқори хавф остида туради. Бу соғлиқни сақлаш, асосий инфратузилма, табиий экотизим ва бирламчи саноатга босим яратади ҳамда фавқулодда вазиятларга жавоб беришни қийинлаштиради.
Иқлим ўзгаришига қарши чора кўриш, экспертлар таъкидлашича, ҳар доим эътиборсиз қолишдан арзонроқ бўлади. Ҳар бир даража иссиқликни олдини олиш келажак авлодларни энг оғир оқибатлардан сақлашга ёрдам беради.
«Замин»ни Telegram’да ўқинг!
