Афғонистонда саккиз ойга яқин қамоқда сақланган британлик эр-хотин Қатарнинг воситачилиги орқали озод қилинди. 80 ёшли Питер Рейнолдс ва 76 ёшли Барби Рейнолдс 1-феврал куни уйларига қайтаётганда ҳибсга олинган эди. Улар қарийб йигирма йилдан бери Бомен вилоятида яшаб келган.
Маълумотларга кўра, эр-хотин дастлаб Кобулдаги марказий қамоқда ушланган, кейинчалик музокаралар давомида бошқа қамоқхонага ўтказилган. Қатарлик расмийлар уларни аввал Доха шаҳрига олиб бориб, тиббий текширувдан ўтказиш, сўнг Буюк Британияга жўнатишни режалаштирган.
Рейнолдсларга озодлик берилиши уларнинг оиласи олиб борган узоқ муддатли жамоатчилик мурожаатлари натижасида амалга ошди. Оила аъзолари бир неча ой давомида ҳукумат ва халқаро ташкилотлардан ёрдам сўраб келган.
Бир неча кун аввал америкалик Файе Холл исмли аёл интервью бериб, Рейнолдслар қамоқда оғир аҳволда экани ва вақт тобора камайиб бораётганини айтганди.
«Замин»ни Telegram’да ўқинг!
