Нашр қатор жиддий асосларни келтириб ўтди. Биринчи навбатда, АҚШда уй-жой қурилиши учун тасдиқланадиган рухсатномалар сони рекорд даражада пасайгани қайд этилган. Бу кўрсаткич қурилиш соҳасига ва умуман иқтисодий фаолиятга таъсир этувчи муҳим сигнал ҳисобланади.
Иккинчи жиҳат — Марказий банкларнинг фоиз ставкалари кескин кўтарилаётгани. Шу сабабли бизнес учун кредит олиш имкониятлари тобора чекланмоқда, кредит олувчилар сони сезиларли камаймоқда. Бу эса янги лойиҳаларни амалга ошириш ва ишлаб чиқаришни кенгайтириш имкониятларини қийинлаштиради.
Учинчи омил сифатида АҚШ ва Хитой ўртасидаги савдо уруши алоҳида қайд этилган. Бу икки йирик иқтисод ўртасидаги зиддиятлар нафақат уларнинг ички бозорига, балки жаҳон иқтисодиётига ҳам кучли таъсир кўрсатиши мумкин.
Энг хавотирли жиҳатлардан бири — рецессия эҳтимоли 60–80 фоиз даражасида баҳоланаётгани. Бундай кўрсаткич иқтисодий хавфнинг жуда катта эканини англатади.
Нашр таъкидлаган ушбу омилларнинг барчаси 2008 йилдаги жаҳон молиявий ва иқтисодий инқирози — Буюк рецессия арафасида ҳам кузатилганди. Демак, бугунги вазият ҳам ўша ҳолатни эслатмоқда.
“Zamin”ни Telegram'да ўқинг!
