Филиппинда коррупцияга қарши исён авж олди
Филиппинда коррупсия можароси сабаб минглаб одамлар иштирокидаги норозилик намойишлари йирик тўқнашувларга айланди. Тўфон ва сув тошқинларидан жабрланган аҳолига ажратилган маблағлар ўз манзилига етмагани, давлат буджети ҳисобидан эса 17,6 миллиард доллар йўқолгани аниқланган. Намойишчилар ҳукумат идоралари олдида тўпланиб, биноларни вайрон қилган, полицияга тош ва шиша улоқтирган.
Филиппинда кенг кўламли норозилик ҳаракатлари тобора кучайиб, йирик тўқнашувларга айланди. Шов-шувга сабаб бўлган коррупция жанжали минглаб одамларни кўчаларга олиб чиқди. Улар ҳукумат идоралари олдида тўпланиб, биноларни вайрон қилишгача киришди.
Маълумотларга кўра, тўфон ва сув тошқинларидан жабрланган аҳолига ажратилган катта маблағлар манзилига етмаган. Оқибатда эса ҳалокатли табиий офатнинг изларини бартараф этиш ишлари умуман амалга оширилмаган, маблағлар эса ғойиб бўлган. Бу ҳолат талабалар ва кенг жамоатчиликни қаттиқ ғазаблантирди.
Намойишлар бир муддатдан сўнг кескин тўқнашувларга айланди. Оломон йўлларда машина шиналарини ёқди, қўлига тушган тош ва шишаларни полицияга қарши ишлатди. Ҳодисалар давомида 40 га яқин тартиб сақловчи жароҳат олди, 17 киши эса ҳибсга олинди.
The Guardian тарқатган маълумотга кўра, давлат бюджети ҳисобидан 17,6 миллиард доллар йўқолгани аниқланган. Шу билан бирга, молия вазири аввалроқ давлат инфратузилма маблағларининг қарийб 70 фоизи коррупция йўли билан йўқотилаётгани ҳақида очиқ баёнот берган эди.
Изоҳлар 0
…