АҚШ президенти Дональд Трамп Бирлашган Миллатлар Ташкилоти Бош Ассамблеясининг сессиясида ўзининг муҳим баёнотларини билдирди. Унинг таъкидлашича, халқаро майдондаги муаммоларни ҳал қилишда БМТ катта имкониятларга эга бўлса-да, ҳозирча бу имкониятлар тўлиқ ишга солинмаяпти.
Трамп Хитой ва Ҳиндистонни Украина бўйича Россияга иқтисодий ёрдам кўрсатаётган давлатлар сифатида танқид қилди. Унинг сўзларига кўра, агар Россия Украинадаги урушни тўхтатмаса, АҚШ ўзининг қонунларига асосан Россияга нисбатан жиддий божхона чекловлари жорий этиши мумкин.
Америка раҳбари БМТ минбарига чиқиб, "хавфсиз ва барқарор дунё қуришга тайёр бўлганларга Америка ўз қўлини узатишга тайёр", деб билдирган. Трамп, шунингдек, Ғазо секторидаги қуролли тўқнашувлар дарҳол тўхтатилишини, гаровдагиларни озод қилиш кераклигини таъкидлади. У Украина можаросини ҳал қилиш йўлларида изчил ҳаракат қилишини, шу жумладан Россия президенти Владимир Путин билан яхши муносабатларда эканини ҳам айтди.
Шу билан бирга, Трамп жаҳон ҳамжамиятини биологик қуролларни ишлаб чиқишдан бутунлай воз кечишга чақирди. Европадаги миграция муаммоларига тўхталар экан, у ўз мамлакатларини "дўзахга қараб кетмоқда" деб кескин баён қилди.
Трампнинг бу сўзлари халқаро муаммоларни ҳал этишда янада қатъий ва аниқ позицияни ишлатиш зарурлигини кўрсатади.
«Замин»ни Telegram’да ўқинг!
