АҚШ визаси тўлови 185 доллардан 435 долларга оширилди

1 октябрдан бошлаб АҚШ визаси учун янги тўлов тартиби кучга киради. Энди иммиграцион бўлмаган визалар учун, яъни АҚШга ўқиш, ишлаш ёки сайёҳат мақсадида бораётган чет элликлар учун виза тўлови 185 доллардан 435 долларга кўтарилди. Бу ўзгариш “Виза яхлитлиги тўлови” (Visa Integrity Fee) номли янги йиғимнинг жорий этилиши билан боғлиқ.

Расмий маълумотларга кўра, ушбу йиғимнинг асосий мақсади ноқонуний миграцияга қарши самарали курашиш, виза тизимини замонавийлаштириш ва миграция қонунчилигини бузган шахслардан келиб чиқадиган харажатларни қоплашдир.

Қўшимча тарзда, 250 доллардан бошланувчи минимал йиғим 185 долларлик консуллик тўловига қўшилади. Мутаҳассислар фикрича, келгусида бу тўлов миқдори яна оширилиши мумкин.

Қоидага кўра, визани қонун доирасида олган хорижий фуқаролар АҚШ сафаридан қайтгач, ушбу тўловни қайтариб олиш ҳуқуқига эга. Аммо Россия фуқаролари учун маблағ рублда қайтарилиши туфайли валюта курси ўзгариши оқибатида молиявий хавфлар пайдо бўлиши мумкинлиги қайд этилмоқда.

Шу тариқа, АҚШ визасига оид янги тўлов тизими иммиграция жараёнларидаги қоидаларни янада қатъийлаштириш ва молиявий барқарорликни таъминлашга қаратилган муҳим қадам сифатида эътироф этилмоқда.