Олимлар 11 миллион йиллик астероид изларини топишди
Австралиянинг Кертин университети тадқиқотчилари тахминан 11 миллион йил аввал ҳосил бўлган, аввал номаълум астероид таъсирига оид тектитларни аниқлади. Музейда сақланаётган намуналарнинг таркиби ўрганилиб, улар аввал тадқиқ қилинган тектитлардан деярли 15 баробар қадимий экани аниқланди. Олимлар бу намуналар ҳали қайд этилмаган бошқа космик ҳодиса билан боғлиқ бўлиши мумкинлигини айтмоқда, бироқ эҳтимолий тўқнашув кратери ҳозирча топилмади.
Австралиянинг Кертин университети тадқиқотчилари кутилмаган кашфиётга эришишди. Улар аввал маълум бўлмаган астероид таъсирига оид изларни аниқлашгани ҳақида Earth and Planetary Science Letters журнали ёзди.
Олимлар тадқиқот жараёнида тектитлар — осмон жисмлари Ер билан тўқнашганда ҳосил бўладиган табиий ойна турини таҳлил қилдилар. Мутахассисларнинг таъкидлашича, музейда сақланаётган намуна ўзига хос таркибга эга бўлиб, тахминан 11 миллион йил аввал пайдо бўлган.
Қиёсий таҳлиллар шуни кўрсатдики, янги топилган тектитлар аввал ўрганилганларидан деярли 15 баробар қадимий экан. Бу эса улар ҳали қайд этилмаган бутунлай бошқа космик воқеа билан боғлиқ бўлиши мумкинлигини англатади.
Шунга қарамасдан, эҳтимолий тўқнашувнинг катта кўламига қарамай, олимлар ҳозирча мазкур астероиднинг зарба кратерини топишга муваффақ бўлишмади.
Изоҳлар 0
…